Eich canllaw i fwynhau parciau a dyfrffyrdd, yr arfordir a chefn gwlad
Mae Cefn Gwlad yn cynnwys pob math o lefydd. Cefn gwlad yw’r bryniau eang a’r llwybrau coediog sy’n rhoi boddhad i gymaint ohonom, ond mae hefyd yn bodoli mewn llu o lefydd eraill! O barciau trefol i’n dyfrffyrdd a’n harfordiroedd, mae’r awyr agored yn
Mae’r Cod Cefn Gwlad yn ganllaw pwysig i’n helpu ni i gyd deimlo’n hyderus wrth fwynhau amser yn yr awyr agored mewn ffordd ddiogel a pharchus. Gall y Cod hefyd ein helpu i feithrin ymdeimlad o gysylltiad â’n mannau naturiol ac rydym yn fwy tebygol o wneud y peth iawn pan fydd gennym y cysylltiad hwnnw. Yn fwy a mwy, rydyn ni’n gweld y manteision mae treulio amser ym myd natur yn eu rhoi i’n hiechyd ni; gall camu i’r awyr agored fod o fudd enfawr i’ch lles.
Felly p’un a oes gennych chi ddiddordeb mewn dod o hyd i barc lleol yn eich ardal chi neu gynllunio antur ymhellach i ffwrdd, cofiwch wirio’r Cod Cefn Gwlad cyn i chi deithio a darganfod rhai o’r adnoddau cyffrous sydd gennym i chi.
Shaun the Sheep, ein Pencampwr Cod Cefn Gwlad!
Mae Shaun the Sheep wedi ymuno â’r achos drwy hybu’r Cod Cefn Gwlad a helpu plant a phobl ifanc i Barchu, Diogelu a Mwynhau’r awyr agored.
O fferm Mossy Bottom, bydd Shaun a ffrindiau yn dilyn y Cod Cefn Gwlad ac yn dangos i blant sut i ofalu am natur, dilyn arwyddion, a rhannu’r gofod gydag eraill.
Mae'r Cod Cefn Gwlad wedi cael ei gyfieithu i ieithoedd eraill
Ewch i’n tudalen Ieithoedd Eraill i’w lawrlwytho nhw.cynnig rhywbeth i bawb. Er mwyn i ni i gyd allu mwynhau treulio amser ym myd natur, mae’n bwysig ein bod ni’n parchu ac yn gwarchod ein mannau naturiol.
Darllenwch y Cod Cefn Gwlad
Y Cod Cefn Gwlad ar gyfer Cymru
Cyngor ac arweiniad defnyddiol i gael amser da a diogel yn yr awyr agored
Sbwriel
Ewch â sbwriel adref – peidiwch â gadael unrhyw ôl o’ch ymweliad.
Cŵn
Cadwch gŵn dan reolaeth ac o fewn golwg bob amser. Bagiwch a biniwch faw cŵn.
Cynlluniwch eich Antur
Dylech wybod beth i’w ddisgwyl a beth y gallwch ei wneud.
Gofalwch am Fyd Natur
Peidiwch â difrodi na tharfu a pheidiwch â gadael unrhyw ôl o’ch ymweliad.
Da Byw a Bywyd Gwyllt
Peidiwch â bwydo da byw, ceffylau neu anifeiliaid gwyllt oherwydd gall hyn achosi niwed iddynt.
Tanau
Os nad ydych chi’n siŵr, peidiwch â chynnau tân. Dim ond mewn ardaloedd cyfyngedig y caniateir barbeciws a thanau gwersyll. Gwiriwch yn gyntaf.
Marchogion
Dilynwch arwyddbyst ac arwyddion lleol. Dylai defnyddwyr eraill ildio i farchogion.
Cwrteisi
Byddwch yn gyfeillgar, rhannwch y lle gyda phob defnyddiwr.
Beicwyr
Dilynwch arwyddbyst ac arwyddion lleol. Ildiwch i gerddwyr a marchogion.
Teithio a Pharcio
Ystyriwch ddefnyddio trafnidiaeth gyhoeddus. Parciwch yn ystyriol drwy beidio â rhwystro mynedfeydd, dreifiau neu fannau parcio hygyrch.
Hygyrchedd
Ystyriwch anghenion a gallu pob defnyddiwr pan fyddwch yn yr awyr agored.
Dilynwch Arwyddion Lleol
Dysgwch am yr arwyddion a symbolau sy’n cael eu defnyddio yng nghefn gwlad.
Cysylltwch â thîm y Cod Cefn Gwlad yn CNC
#CodCefnGwlad #ParchuDiogeluMwynhau
Eisiau dysgu mwy?
Ewch i’n tudalennau Cod Cefn Gwlad eraill